يبن ادم يومك البيه تحتضر

--------------------------------------------------------------------------------

يبن آدم

يبن آدم يومك البيه تحتضر----------------- تركظ احبابك تحضرلك كَبر

ارد اوصفلك امر لو مر عليك ------------- وأنته بكَماط المنيه مكَمطيك
بالجفن وأحبابك تعاين عليك------------ شي تودعك شي تريدك تنتضر

من تعوف بلحظه دنياك بذهول-------- ولو مشيت الكَبرك وحان النزول
يبن آدم شنهو عذرك وشتكّول ----------- ونته تدري هناك مرفوظ العذر

شنهو عذرك من يهيلون التراب ------------ والكَبر لآبيه نفاذ ولآله باب
ومن ينشدك منكر شلون الجواب--------- ويمه ما تكَدر بعد تحجي بفخر

تفتخر بالدنيه من جانت الك --------------- وجنت تتجاهل حقيقة منزلك
كَبرك ويوم اليودعونك هلك -------------- بللحد من يومك اليوم الحشر

للحشرتبقى بلحد اضلم رهيب ---------- بلآ أهل يمك تضل وحدك غريب
وتبقى لآ صاحب يذكرك لآ قريب ------------- تنسي وطابوكَ كبرك ينثر

ينثر كَبرك على مر الزمن ------------- وكل رسومك بالكَبر هم ينمحن
ولآ لحد يبقى اليلمك لآجفن -------------- وتضل ما بين العوالم مستمر

عالم البرزخ تشاهد شي عظيم -------- بيه تشوف قوام يصهرها الحميم
لو تشوف اقصور جنات النعيم ----------- للذي مخلص عبد رب البشر

الجان من يسجد سجود لزاهدين------- ويطلب الرحمه من الاله العالمين
وجان من يذكر كَطع نحر الحسين -------- يذرف الدمعه بأحر من الجمر

وارد انصحك يهل المسلم وشتريد ------------- مني تتقبل اقدملك مزيد
اعبد الله وعوف عباد العبيد ------------------ ربك الخالق يدبر كل أمر

كل دعاء ومخالص يرضي الاله --------- بالأخص لو جان بلي عنده جاه
يوم من ضحى ألأجل ربه ورضاه ----- بدم وريده وكَطع راسه من النحر

يا حسين بكل محرم من تصيح ------ بصوت وآضح يوصل الحد الضريح
راح يحضر يمك بنحره الذبيح ----------- يشرق بنوره وتشوفه وتبتشر

تبتشر بحسين باليوم الذي------------------ بيه تموت وتحمل ولاية علي
الجنه مثوه الكلماّّ يحب الوصي ------------ والي يبغظ حيدر يطب السقر

سقر مثواه اليعوف المرتضى ---------- وما ينضره الخالق بعين الرضا
يبقى خالد من أهل نار اللضى -------------- والأملاك تعامله بأمر الزجر

اذاً من يبغظ علي بيوم الحساب ----------- يستغيث ويستغيث وما يجاب
اله حب المصطفى وداحي الباب ------- والصلآة اعلى النبي وآله الطهر
ابو حسن الحسيني